رقم 70 مفروض علينا ... مفروض مفروض مفروض ييييياااا ولدي
مش غريبة ان معظم المرشحين لرئاسة الجمهورية عمرهم تجاوز ال70 سنة...!!!! هو الرقم دة ورانا ورانا واللا ايه!!!!
ازاي بني آدم معظم عمره وراه حيفكر في بناء مستقبل للبلد!!! اذا كان هو خلص عمره وعدى السن القانونية للعمل،
يعني هو في مرحلة التقاعد!! يبقى منين حيجيله قوة ومقدرة على بناء أي شيئ؟؟؟؟؟؟؟
لما درست وقريت تاريخ مصر كويس، على مدار 7000 سنة، لقيت انه اللي حكموا مصر ونهضوا بيها كلهم كانو اصغر من 70 بكتير!!! لان عندهم الطموح للبناء وعمل شيئ، وحافز لانهم يبنوا ويحققوا امجاد للبلد ولنفسهم!!! انما اللي عدى سنه ال70 دة في رأيي المتواضع مش حيلحق يشوف حاجة!!!
فيه نقطة تانية كمان، اللي ابو 70 سنة شب وشاب على نفس النظام اللي احنا رفضناه، اللي شيلناه،، يبقى طبعا ما فيش تغيير حيحصل!!! كل اللي حنبقى عملناه هو تغيير اسامي وبس... نبقى شيلنا "الدو" وحطينا "شاهين" بداله!!!! شكرا شكرا!!!
انا بس حكتبلكوا شوية اسامي من ملوكنا ورؤساءنا اللي حكموا مصر على مدار 7000 سنة وانتوا احكموا بنفسكوا:
· مينا موحد القطرين حكم مصر وهو 18 سنة ومات وهو 63 سنة
· أحمس تولى وهو عنده 10 سنوات وهزم الهكسوس وهو عنده 18 سنة ومات وهو 35 سنة
· تحتمس تولى عرش مصر وهو عنده 26 سنة ومات وهو 82 سنة
· رمسيس: اغلبهم كانوا في سن ما بين 20 و 35.
· الاسكندر الاكبر اسس اعظم امبراطورية وهو 30 سنة
· عمرو بن العاص فتح مصر وعند50 سنة ومات وهو عنده 93 سنة
· صلاح الدين الايوبي حكم مصر وهو عنده 31 سنة
· قطز حكم مصر سنة واحدة و كان عمرة حوالي 39 سنة
· بيبرس حكم مصر وهو 39 سنة وحقق انتصارات غير مسبوقة
· محمد على وعائلته حكم مصر وهو سنه 35 سنة ومات وهو عنده 79 سنة
· جمال عبد الناصر حكم مصر وهو عنده 36 سنة
· انور السادات حكم مصر وهو عنده 52 سنة وهو يعتبر اكبر رئيس لمصر من 7000 سنة
وأرجوا تشوفوا غيرهم من ملوك ورؤساء مصر اللي كان لهم دور فعال في النهوض بمصر... واللي التاريخ حفر اسمائهم في ذاكرتنا!!!
الي الحبيبة مصر..... البقاء لله
